milenta nueva

Está viendo: 

PORTADA

'Un violador nel to camín'

Un grupu de muyeres tamos preparando una versión asturiana de la performance Un violador nel to camín, del grupu chilenu Lastesis. Proponemos facelo’l día 25 de xineru, a les 12h, en Xixón. Tovía nos falta concretar el sitiu, anque tamos pensado en L’Humedal (onde acabó la mani del 8M).

 
lletra un violador nel to camín
Otra manera, la idea ye que la base musical percusiva la faigan un grupu de pandereteres con panderu a ritmu de muñeira xunto coles tambores de Repercusión Feminista, mentanto que les demás faen la coreografía. Pa la puesta n’escena hai que colocase en fileres, caúna tien d’espurrir el brazu al frente y a los llaos pa marcar distancia coles compañeres.

La performace, amás de ritmu, lletra y coreografía, contién otros elementos que consideramos importantes caltener del orixinal: la venda negra nos güeyos como símbolu d’indefensión énte la violencia patriarcal; pañuelos verdes n’apoyu a les compañeres arxentines; y ropa “provocativa” d’esa que pa los xueces xustifica una violación. Anque, per otru llau, cuidamos necesario adaptala a la nuestra realidá traduciéndola al asturianu, introduciendo instrumentos de la nuestra tradición y cambiando dalguna palabra (“pacos” por “maderos”, etc.) y la última estrofa, que garramos emprestada de les nuestres hermanes gallegues.

¡Axuntáivos coles vuestres hermanes, primes, vecines, amigues, compañeres, collacies y ensayái!

¡Vémonos el día 25! ¡Abaxo’l patriarcáu!
 

volver

  • Compartir
    • digg (en nueva ventana)
    • del.icio.us (en nueva ventana)
    • meneame (en nueva ventana)
    • fresqui (en nueva ventana)
    • technorati (en nueva ventana)
    • facebook (en nueva ventana)
    • twitter (en nueva ventana)
    • linkedin (en nueva ventana)
    • google bookmarks (en nueva ventana)
    • my yahoo (en nueva ventana)
    • my space (en nueva ventana)
var auxTitle=document.title; top.document.title=auxTitle;